ఈ పుట అచ్చుదిద్దబడ్డది
రేకు: 0086-5 శ్రీరాగం-రచ్చెతాళం సం: 05-330
పల్లవి:
కనలకువే మతి కలఁగీని యీ-
వనజోదరుఁడిదె వచ్చీనిపుడు
చ. 1:
వడిఁ గుచభరమున వ్రాలెడి వేగము
నడవకువే సన్నపు నడుము
చిడుముడి నన్నుఁ జేసిన గోవిందుఁడు
తడయఁడు నిన్నుఁ దగిలీనిపుడు
చ. 2:
కొప్పువేఁగుననె కుదిసిన మెడ గడు-
తిప్పకువే కందెడి సరులు
దప్పివొదలఁ బరితాపము నీమై
కప్పిన శ్రీహరి గదిసీఁ గాని
చ. 3:
పొరలుచు నిట్టూర్పులను సురనియెదు
వెరవకుమెన్నఁడు వేదనల
కరఁగి నీవు వేంకటపతికౌఁగిట
మెరసితివిటు కడు మించిన రతుల
