ఈ పుట అచ్చుదిద్దబడ్డది
రేకు: 0006-1 ఆహిరి సం: 05-032
పల్లవి:
ఆఁపరాని వలపాయ నమ్మలాలా - యింతి
యేఁపులకు లోనైతిమిఁక నేమిసేతమే
చ. 1:
ఆరగించుమనఁ గదరమ్మలాలా -అయ్యో
నీరు వుక్కలించదిదె నిన్నటనుండి
ఆరినది బోనమెలా నమ్మలాలా-అయ్యో
శ్రీరమణుఁడింతట విచ్చేయఁడేమిసేతమె
చ. 2:
అద్దమరాతీరి వోమ నమ్మలాలా -అయ్యో
నిద్దుర గంటఁబెట్టదు నిన్నటనుండి
అద్దపుఁ జెక్కులు వాడె నమ్మలాలా -అయ్యో
యిద్దరికోపము దీరదిఁక నేమిసేతమే
చ. 3:
అలయికే ఘనమాయనమ్మ లాలా -దీని
నిలుప వశముగాదు నిన్నటనుండి
అలమివేంకటవిభుఁడమ్మలాలా - దీని-
నెలయించి కూడకున్న నిఁకనేమి సేతమే