ఈ పుట అచ్చుదిద్దబడ్డది
రేకు: 0085-2 ముఖారి సం: 05-321
పల్లవి:
ఏలే పడుసా యేదేని గుడుసా
చాలునేఁపకువే జవ్వనంపు గడుసా
చ. 1:
వద్దేలే కసరు వలనని కిసరు
పొద్దువొద్దులకుఁ జూపుల యసరు
పెద్దైన వలపుల పిసరు లోన-
న్నద్దేవు నేనైతినసురుసురు
చ. 2:
వచ్చేనేననవే నా వలపు చేకొనవే
మచ్చుచల్లక నామాట వినవే
ఇచ్చేననవే నీహృదయమింతటనైన
రిచ్చపడిన నాకూరిమి గనుఁగొనవే
చ. 3:
రావే సంగడికి రతుల యంగడికి
శ్రీ వేంకటేశుఁడ నా చెంగటికిని
నీవే కౌఁగిటికి నిధులలోఁగిటికి
మోవీవే వెరవక మోహపుటాఁకటికి