ఈ పుట అచ్చుదిద్దబడ్డది
రేకు: 0084-6 శ్రీరాగం సం: 05-319
పల్లవి:
ఇంతి కన్నీరొలుకనిట్లుఁ జదివె
కొంతంపు కనుఁగొనల కోపమును జదివె
చ. 1:
వెలఁది వినుకలినే వినికి విని తోడనే
తలపోఁతనదివొ చింతనసేసెను
తలకొన్న నేలవ్రాఁతలనె పొలుపుగ వ్రాసె
తొలుతఁ బాదపువేలి ధూళక్షరములు
చ. 2:
పడఁతి కనుకలినే పులకవ్రాలును వ్రాసె
తడవి నీ చెలువ చిత్తపుఁ బలకనే
కడుఁదెలివికిని బాసి కలవెల్ల మఱచి తన-
పెడఁగు జెక్కు చేతితో వెదకినిదివో
చ. 3:
వరుస గంటపువ్రాలు వ్రాసెఁ గొనగోరనే
కురుఁ బసల నీవు చెక్కులు గిల్లఁగా
తిరువేంకటాచలాధిపుఁడ నీతోఁగూడి
సరిలేని శబ్దశాస్త్రములెల్లఁ జదివె
