ఈ పుట అచ్చుదిద్దబడ్డది
రేకు: 0084-4 ఆహిరి సం: 05-317
పల్లవి:
తిట్టినఁ దిట్టినదే తప్పా
బెట్టమ్మా గుంపెన నీచేత
చ. 1:
వెనక మరలి నవ్వినదే తప్పా
వినమమ్మా నీ విభుఁడౌట
చెనకఁగ జంకించినదే తప్పా
అనవమ్మా నీ వాతనిఁ గినిసి
చ. 2:
ఎదుట నిలిచి తురుమిడుటే తప్పా
వదలిన పయ్యెద వాలఁగను
అదన నలసి వుసురనుటే తప్పా
వుదుటుఁదమకముననుండఁ గలేక
చ. 3:
కేలనె యిటు మొక్కినదే తప్పా
కాలు దాఁకి వేంకటపతికి
వోలి నే నతనిపై నొరగుటె తప్పా
మేలములాడుచు మెరయఁగనతఁడు