ఈ పుట అచ్చుదిద్దబడ్డది
రేకు: 0084-3 శంకరాభరణం సం: 05-316
పల్లవి:
జవ్వాది మెత్తినది తన-
జవ్వనమే జన్నెవట్టినది
చ. 1:
ముద్దుల మాఁటలది చెక్కు-
టద్దముల కాంతినలరినది
గద్దరిచూపులది తన-
వొద్ది చెలియమీఁద నొరగున్నది
చ. 2:
పుత్తడిఁ బోలినది తన-
చిత్తము నీసొమ్ముచేసినది
గుత్తపు గుబ్బలది అల-
చిత్తజుని లెక్కసేయనిది
చ. 3:
ఎమ్మెలు యెఱఁగనిది తన-
కెమ్మోవిఁ జిరునవ్వు గెరలున్నది
కమ్ముకొనఁగ వెంకటారాయా నీ-
కమ్మనికౌఁగిటఁ గలశున్నది