ఈ పుట అచ్చుదిద్దబడ్డది
రేకు: 0083-5 పాడి సం: 05-311
పల్లవి:
సత్యభామ సరసపు నగవు
నిత్యము హరిమదినే నెలవాయ
చ. 1:
రుకుమిణిదేవికి రూపయవ్వనికి
సకల విభవముల సౌఖ్యతలు
చికురాంబరమునఁ జెదరిన యలకలు
వికచాబ్జముఖము వెయివేలాయ
చ. 2:
తొడవుల శ్రీసతి తొలుమెఱుఁగులమై
నడపుల మురిపెపు నగుమోము
తడయక వారిధి దచ్చిన హరికిని
బడలిక వాపను పరమంబాయ
చ. 3:
అనుదినమును నీ యలమేలుమంగ
కనుఁగవ జంకెన గర్వములు
దినదినంబులును తిరువేంకటపతి-
చనవుల సొబగుల సంపదలాయ
