ఈ పుట అచ్చుదిద్దబడ్డది
రేకు: 0083-1 రామక్రియ సం: 05-307
పల్లవి:
కమలాన సౌభాగ్యము కలికితనంబులు సొబగులు
ప్రమదంబులు నింతంతని పలుకంగా రాదు
చ. 1:
మించిన చొక్కులు మీరినయాసలు
పంచేంద్రియముల భాగ్యములు
యెంచిన తలఁపులు యెడపని వలవులు
పంచబాణుని పరిణతలూ
చ. 2:
కనుఁగవ జలములు కమ్మనిచెమటలు
ఆనయముఁ జెలులకు నాడికలు
తనువున మఱపులు తప్పని వెఱపులు
వినుకలి కనుకలి వేడుకలు
చ. 3:
మోవి మెరుంగులు ముద్దుల నగవులు
శ్రీ వేంకటపతిచిత్తములు
తావుల పూఁతలు దర్పకు వ్రాఁతలు
ఆ విభుఁగూడిన యలసములు
