ఈ పుట అచ్చుదిద్దబడ్డది
రేకు: 0082-6 కన్నడగౌళ సం: 05-306
పల్లవి:
ఏలా యీ యనుమానములింతి మనంబునఁ బాయని-
తాలిమి తప్పుఁదెరువున దాఁగెఁగదోయమ్మా
చ. 1:
మాయపుమంటలు చల్లెడు మందమారుతము
పాయము దిరుగఁబారెడు పండుఁజందురుఁడు
కాయము తల్లడపరపెడు గండుగోయిలలు
యేయెడనోర్వదు చెలిలాగేలాగోయమ్మా
చ. 2:
ఇంటఁ బుట్టిన యాతఁడే యింటఁ బుట్టిన యమ్ముల
యింటఁ బలుమారునేయఁగ నేమందునోయమ్మా
వింటఁ బాసిన శరముల వెంటఁ దగిలెడు నారిని
యంటిన మదనానలమిఁక నారుపరాదమ్మా
చ. 3:
కొండలరాయఁడు చెలిచనుఁ గొండల నించిన గురుతులు
కొండుకచందురులైనవి కొత్తగదోయమ్మ
నిండిన విరహంబింతయు నేఁడిదె యమృతంబాయను
పండిన తమకము మేలై పలియించెనోయమ్మా
