ఈ పుట అచ్చుదిద్దబడ్డది
రేకు: 0082-5 ఆహిరి సం: 05-305
పల్లవి:
జవ్వనంపుమదమున జడిసేటి తరుణి
పువ్వుల పానుపమీఁదఁ బొరలీఁ జూడరే
చ. 1:
ముత్తేలకంకణాల మురిసేటి కరము
చిత్తగించు చెలి నేఁడు చెక్కుమీఁదను
కొత్తనెత్తావి విరుల కొమరైన తురుము
వత్తుల నెరులతోడ వదలీఁ జూడరే
చ. 2:
పయ్యెదవెలి మించు పగటైన గుబ్బలు
ముయ్యరాని పెనుతాపమునఁ గాఁగీని
వొయ్యారపు రచనలతో వొరపైన చూపులు
వొయ్యనె కన్నులనీట వులికీఁ జూడరే
చ. 3:
కప్పురపుతావితోడ కరఁగేటి తనువు
వొప్పైన కస్తూరిచేత నొరపైనది
యిప్పుడిట్టై తిరువేంకటేశుఁగూడి యింతి
చెప్పరాని వేడుకలఁ జెలఁగీఁ జూడరే
