ఈ పుట అచ్చుదిద్దబడ్డది
రేకు: 0082-3 పాడి సం: 05-303
పల్లవి:
ముద్దులు మోమున ముంచఁగను
నిద్దపుఁ గూరిమి నించీని
చ. 1:
మొల చిరుఘంటలు మువ్వలు గజ్జలు
ఘలఘలమనఁగాఁ గదలఁగను
ఎలనవ్వులతో నీతఁడు వచ్చి
జలజపుచేతులు చాఁచీని
చ. 2:
అచ్చపుఁ గుచ్చుముత్యాల హరములు
పచ్చల చంద్రాభరణములు
తచ్చిన చేతుల తానె దైవమని
అచ్చట నిచ్చట నాడీని
చ. 3:
బాలుఁడు కృష్ణుఁడు పరమపురుషుఁడు
నేలకు నింగికి నెరిఁబొడవై
చాలించి వేంకటాచలపతి దానై
మేలిమిసేఁతల మించీని
