ఈ పుట అచ్చుదిద్దబడ్డది
రేకు: 0082-2 ఆహిరి సం: 05-302
పల్లవి:
మోహంపురతిముదము ముద్దుఁజూపుల మదము
దేహంపు సొబగెల్లఁ దెలిపె సదమదము
చ. 1:
మించుమట్టెల గిలుకు మెరుఁగుగుబ్బల కులుకు
వంచుఁ జూపుల చిలుకు వసివాడుఁ బలుకు
మంచుఁ జెమటల తళుకు మనసు లోపలి యళుకు
అంచుటధరపుబెళుకు అలమేఁటి జళుకు
చ. 2:
కరమూలములఁ గరఁగు కదలుఁ బయ్యెద చెరఁగు
సిరులచెలువపుమొరఁగు చెక్కుపై మరఁగు
గరగరికె తతులెరుఁగు ఘాతలంటిన తెరఁగు
గరిమెతో చెలియునికి కప్పురపుటరఁగు
చ. 3:
కలికితనముల పోగు కమ్మఁదావులవేఁగు
వలపుతమకముల పరవశము పెనుజాగు
కలకంటిబాగు వేంకటపతికిఁ జెలరేఁగు
చెలియ సమరతుల మించిన వింత బాగు
