ఈ పుట అచ్చుదిద్దబడ్డది
రేకు: 0082-1 శ్రీరాగం సం: 05-301
పల్లవి:
ప్రతిలేని పూజ దలఁపఁగఁ గోటిమణుఁగులై
అతివ పరవశము బ్రహ్మనందమాయ
చ. 1:
మానినీమణి మనసు మంచియాసనమాయ-
నానందబాష్పజలమర్ఘ్యాదులాయ-
మీనాక్షికనుదోయి మించుదీపములాయ-
నాననసుధారంబభిషేకమాయ
చ. 2:
మగువ చిరునవ్వులే మంచిక్రొవ్విరులాయ
తగుమేనితావి చందనమలఁదుటాయ
నిగనిగని తనుకాంతి నీరాజనంబాయ
జగడంపుటలుకలుపచారంబులాయ
చ. 3:
ననుపైన పొందులే నైవేద్యతతులాయ
తనివోని వేడుకలు తాంబలమాయ
వనిత తిరువేంకటేశ్వరుని కౌఁగిటఁ జేయుఁ
వినయవివరంబులరవిరిమొక్కులాయ
