ఈ పుట అచ్చుదిద్దబడ్డది
రేకు: 0081-6 శ్రీరాగం సం: 05-300
పల్లవి:
కుంకుమచెమటలంటా గొఱగేవు మరు-
దొంకెన తామరల నెత్తురుచారలమ్మా
చ. 1:
కోవిదునిమీఁద నేల కోపగించేవతని కె-
మ్మోవి కప్పు మరునియమ్ములతాఁకులే
తావుల వింతలకుఁ గాఁతాళించేవతనిపై
భావజువింటి పూవు బారిఁ బడెనమ్మా
చ. 2:
నొసలి కస్తూరంటా నొగిలేవాతనిపై
కసటుఁగాఁకల కందుగందము చూచి
యెసగ గందవొడంటా యెఱ్ఱఁబారేవాతనిపై
పసని మదనుదాడి బలుదుమ్ములమ్మా
చ. 3:
ఆఁటదాని గోరితాఁకుల నేవాతనిపై
నాఁటినచందురుని సన్నపు రేకలే
గాఁటపుఁ గాఁగిటను వేంకటపతి నీకు దక్కె
యేఁటికి నాతనివింకా నెగ్గులెన్నేవమ్మా