ఈ పుట అచ్చుదిద్దబడ్డది
రేకు: 0079-5 బౌళి-ఏకతాళి సం: 05-287
పల్లవి:
ఎవ్వరు గలరమ్మ యిఁక నాకు
నెవ్వగలలోఁ జిత్తము నెలకొన్నదిపుడు
చ. 1:
మనసుకోరిక దీని మానిపెదనంటినా
వొనగూడి మనసు నావొద్దలేదు
పెనఁగి తమకము వా పెదనంటినా మేన
అనయమువెరవు దానై యున్నదిపుడు
చ. 2:
చింత తాలిముల ముంచెదనంటినా మేన
సంతాపములు సేయఁ జలపట్టెను
అంతరంగము నాదియంటివా నెలవున
సంతతమునాతఁడే జట్టిగొనె నిపుడు
చ. 3:
సింగారపుమేను నాచేతికి లోనంటినా
అంగవించి పరవశమై యున్నది
యింగితమెరిఁగి వేంకటేశుఁడు నాకంటినా
కంగి నన్నుఁ గారించి కలసెనిపుడు
