ఈ పుట అచ్చుదిద్దబడ్డది
రేకు: 0079-4 ఆహిరి సం: 05-286
పల్లవి:
ఇన్నియుఁ జేసితివిఁకనేలా నీ-
చిన్నినగపు మూసెర నీచేఁత
చ. 1:
మఱవకురా నీమాటలు ని-
న్నెఱుఁగుదు నిన్నియు నిఁకనేలా
మొఱఁగకురా నీమోహము నా-
చెఱఁగు మాసెనిదె చెల్లె నీచేఁత
చ. 2:
చిందకురా నీ చెలువములు ఇపు-
డిందరునున్నారిఁకనేలా
కందకురా నీ కాఁకలను యిటు
కిందుపడితినిదె గెలిచె నీచేఁత
చ. 3:
నొంపకురా నే నొగులఁగా నీ-
యింపులు నెరపేనిఁకనేలా
జంపుల వేంకటశైలపతీ నా-
కెంపుమోవి దక్కెర నీచేఁత
