ఈ పుట అచ్చుదిద్దబడ్డది
రేకు: 0079-2 ముఖారి-అటతాళం సం: 05-284
పల్లవి:
చేయరాని చేఁతలెల్లఁ జేసితివి యింత
పాయరాని సతిమీఁద భయము నీకెట్టిదో
చ. 1:
ముత్తేల పెండెమిది ముదితది ఆ-
గుత్తపుఁ బాదమునకుఁ గొలఁదైనది
బిత్తరపు ముంజేతనే పెట్టితిని యీ -
మత్తగజగమనపై మన్నన నీకెట్టిదో
చ. 2:
కుందనంపు మట్టెలివి కోమలివి మోఁత-
లందెలతో జగడించనందమైనవి
యిందు నీకు నుంగరాలై యేచినవి యీ-
యిందుముఖి మీఁది మోహమెంత నీకునెట్టిదో
చ. 3:
గట్టివలిపెపు చంద్రకాని యిది యింతి
కట్టి విడిచిన నేఁటికమ్మఁదానిది
కట్టి కాసించితివి వేంకటరాయా యీ -
బెట్టైన చెలిమీఁదిప్రేమము నీకెట్టిదో