ఈ పుట అచ్చుదిద్దబడ్డది
రేకు: 0079-1 కేదారగౌళ సం: 05-283
పల్లవి:
రమ్మనవే వాని రమ్మనవే- యీ-
తమ్మికనుఁగొనల తళుకులవాని
చ. 1:
మెలుపున నేను మేడమీఁద యీ-
చిలుకఁ బేరుకొని పిలువఁగను
అలపున వీథిఁ దానరుగుచును తనుఁ
బిలిచితినంటాఁ బలికినవాని
చ. 2:
కేరడమైన కిన్నెరలో యీ-
నారణి ముట్టుచు నలుగడను
చేరువల తాఁజెలఁగుచును యిటు
పేరుకొనుచు ననుఁ బిలిచినవాని
చ. 3:
పరవశమై నేఁ బానుపున యీ-
గిరికుచముల నొడ్డగిలఁగాను
తిరువేంకటఘనగిరిపతి ననుచును యీ-
సిరులుగ ననునిటు చెనకినవాని