ఈ పుట అచ్చుదిద్దబడ్డది
రేకు: 0078-4 దేవగాంధారి సం: 05-280
పల్లవి:
ఎంతటివాఁడవు నిన్ను నేమందును యిట్టె
సంతమైతివింతితోడ చాలదా నీకు
చ. 1:
మాణికపుటుంగరాల మగువ దా వాయించేటి-
వీణలోనే చల్లీఁ దనవిరహమెల్లను
ఏణనయన నింతేసి యెలయించినట్టి నీ-
జాణతనమె యింత చాలదా నీకు
చ. 2:
గిలుకుఁగంకణముల కీరవాణి కిన్నెరలో
కులికీనిదె పై కోపమెల్లాను
సొలపుఁ జూపులనిట్టే సుదతినింతేసి నీ-
చలము సాదించితివి చాలదా నీకు
చ. 3:
కుంకుమగుబ్బలతోడి కోమలిచెక్కు చెమట-
వంకనే వచ్చీ నీపై వలపెల్లను
వేంకటగిరిరమణ వేడుక నీలలితాంగి
సంకెదేరఁ గూడితివి చాలదా నీకు
