ఈ పుట అచ్చుదిద్దబడ్డది
రేకు: 0005-2 శంకరాభరణం సం: 05-027
పల్లవి:
పోనీ పోనీలే నీ పొందులేఁటికి నీ-
యాననము చెమరించె నయ్యా నీ యలుకా
చ. 1:
ఆన వెట్టఁగా విచ్చే సేవమ్మపాదాల మీఁదనే
కానీ కానీలే యెక్కడికో నీవు
మానవతితో బింకాలు మానవా యింకాను నీ-
మేనెల్లా బడలెను యేమిటికి నీ యలుక
చ. 2:
బంగారు దుప్పటికొంగు పట్టఁగానే పెనఁగేవు
అంగడి వీధిలో నవులే నీవు
రంగైన సతికోపమెరఁగవా యింకాను నీ-
తొంగలి రెప్పల నీటఁ దోఁచీలే నీ యలుక
చ. 3:
తెరవ నిన్నరగంటఁ దిట్టఁగానే బిగిసేవు
మఱపుఁ దెలివితో మఱియు నీవు
కరఁగి కూడితివి వేంకటగిరి మీఁద నున్న-
నెరజాణ విట్టలుఁడ నేఁడుగా నీయలుక
