ఈ పుట అచ్చుదిద్దబడ్డది
రేకు: 0078-2 ఆహిరి సం: 05-278
పల్లవి:
ఇట్టే నామదిఁ గోపమెచ్చరించేవు
వట్టి వలుపే నాపై వారించ వలెనా
చ. 1:
మోహపు సంకుటుంగరముల వెలిగోర నా-
దేహముపై నునురేక దియ్యఁజూచేవు
సాహసివిరా వోరి వెచ్చపు నీవలపులోని-
దాహమెల్లా నాతోనే యింతటఁ జూపవలెనా
చ. 2:
తళుకుబంగారంచుల దట్టి చీరకొంగుఁ
లలర నీమేను నాపైనప్పళించేవు
వలదు వోరి వెచ్చపువలపు నీదెల్లాను
పలుమారునిట్ల నాపైఁ బూయవల నా
చ. 3:
సన్నపుమణుల కుప్పెనసవరము కొప్పు నా-
కన్నులు దాఁకఁగ నాపైఁ గడు వీఁగేవు
కన్నుల కలికి వేంకటరాయ నీకౌఁగిటి
వన్నెలెల్ల నాపై నిటువలెఁ జేయవలెనా
