ఈ పుట అచ్చుదిద్దబడ్డది
రేకు: 0078-1 భూపాళం సం: 05-277
పల్లవి:
ఎందరు వలె నీకింకాను - యీ-
యిందరు చాలర యింకాను
చ. 1:
మోహపు సతితో ముచ్చటఁ గలసిన-
దేహము మనసునిదియ కాదా
సాహసమున నది చాలక మదిలో
యీహలఁ దిరిగే వింకాను
చ. 2:
కసరుల మురిపెపు గయ్యాళిసతులతో
ఆసురుసురులతో నలసితివి
కొసరుచు నాతోఁ గూటమిసేసే-
ఎసరెత్తకుమీ యింకాను
చ. 3:
కాఁకల నటనల- గరగింపుచు నను
దేఁకువఁ గూడితి దిమ్మరివై
వేఁకపువలపుల వేంకటేశ నీ-
యేఁకట దీరదు యింకాను