ఈ పుట అచ్చుదిద్దబడ్డది
రేకు: 0077-4 హిందోళవసంతం సం: 05-274
పల్లవి:
జగడపుఁ జనవుల జాజర
సగినల మంచపు జాజర
చ. 1:
మొల్లలు దురుముల ముడిచిన బరువున
మొల్లపు సరసపు మురిపెమున
జల్లనఁ బుప్పొడి జారఁగఁ బతిపై
చల్లేరతివలు జాజర
చ. 2:
భారపుఁ గుచముల పైపైఁ గడు సిం-
గారము నెరుపేటి గందవొడి
చేరువ పతిపై చిందఁగఁ బడఁతులు
సారెకుఁ జల్లేరు జాజర
చ. 3:
బింకపుఁ గూటిమి పెనఁగేటి చెమటల-
పంకపుఁ బూఁతల పరిమళము
వేంకటపతిపై వెలఁదులు నించేరు
సంకుమదంబుల జాజర