ఈ పుట అచ్చుదిద్దబడ్డది
రేకు: 0077-3 శ్రీరాగం సం: 05-273
పల్లవి:
ఆలవట్టములు వట్టేరవధరించఁ గదో పెద్ద-
పాలిండ్ల బరవున భామ బడలితివి
చ. 1:
మజ్జనమవధరింతు మగువ విచ్చేయవో
గొజ్జంగ కస్తూరినీటఁ గుంకుమనీట
గజ్జల గరుడునిపై కలికి విభునిఁ గూడి
ముజ్జగములఁ దిరిగి మొగినలసితివి
చ. 2:
బోనము వెట్టినారిదె పాలఁతి విచ్చేయవో
ఐనకూరలెల్లఁ జల్లనారీనిదే
తేనెలూరెడి కెమ్మోవితీపులు నీ విభునకుఁ
గానుకగా నిచ్చియిచ్చి కడునలసితివి
చ. 3:
చప్పరమంచముపైకి సరుగ విచ్చేయవో
అప్పఁడు వేంకటరాయఁడలరీ వాఁడే
కొప్పెరగుబ్బలమీఁది కొనగోరిరచనల
కప్పురము మెత్తిమెత్తి కడునలసితివి
