ఈ పుట అచ్చుదిద్దబడ్డది
రేకు: 0075-5 ఆహిరి సం: 05-263
పల్లవి:
ఏందాఁకా జాగిది యేలే- తన-
అందములచటనె అయ్యీఁగాక
చ. 1:
మృగమదమీతఁడు మెత్తీనిదె మై
ధగధగమనఁగాఁ దనకేలే
మగువకుచముల చెమట నంటిన యా-
పొగరుఁ బరిమళమె పూసీఁ గాక
చ. 2:
బెడిదపుఁ దురుమిదె పెట్టీనీతఁడు
తడవుగ నలరులు తనకేలే
పడఁతి శిరసునను ఫైఫైఁ జెరిగిన-
జడివాన విరులు జారీఁ గాక
చ. 3:
చిమ్ముచు వీడెము సేసీనీతఁడు
తమ్ములముమియఁడు తనకేలే
కొమ్మ వీడెమిఁక కోనేటప్పఁడు
తమ్మివదనమున దాఁచీఁ గాక
