ఈ పుట అచ్చుదిద్దబడ్డది
రేకు: 0075-6 శ్రీరాగం సం: 05-264
పల్లవి:
బిగ్గెఁ గాఁగలించుకోవే పిరితీయక
నిగ్గుల యాతనిమేను నేఁడే నొచ్చీనా
చ. 1:
మందరమెత్తినవాఁడు మల్లుల మొత్తినవాఁడు
అందపు నీ గుబ్బల వేఁగాన లేఁడా
గొందినున్న కుచములు కొనవాండ్లెతేను
చెందిన యాతనిమేను చిల్లులయ్యీనా
చ. 2:
భూమెల్ల మోఁచినవాఁడు పొడవు దాఁచినవాఁడు
భామ నీ మొలనూలు భారమనీనా
వోమక యాతనితోడి వుపరిసురతానకు
యేమని వేఁడుకొనిన యేల లోఁగేవే
చ. 3:
వేంకటనగమువాఁడు వెన్నెలమొగమువాఁడు
కింకల నీ చేఁతలకుఁ గిందుపడీనా
పంకజవదన నీకుఁ బాయలేక చెనకిన
కుంకుమగుబ్బల చెనకులకోపఁడా