ఈ పుట అచ్చుదిద్దబడ్డది
రేకు: 0075-3 సామంతం సం: 05-261
పల్లవి:
చెలువపు సేఁతల శిన్నెకా పెద్ద
వలపువేదనల వాడీనయ్యో
చ. 1:
మొగమునకెగరెడి మొనవాఁడి గుబ్బల-
చిగురుఁబెదవులాఁడి శిన్నెకా
నిగినిగ మెరిచేటి నీలిమేనివానిఁ-
సొగసు చూచి వాని సొలశీనయ్యో
చ. 2:
మొగ్గల మొలకల మురిపెపుఁ గన్నుల-
శిగ్గుల చిరునవ్వు శిన్నెకా
ఉగ్గున రేపల్లె వుసురు గొనేటివాని
దగ్గరి తమకానఁ దడవీనయో
చ. 3:
చంకల బంగారు చల్లిన మెఱుఁగుల
చింకబెదరులాఁడి శిన్నెకా
వేంకటపతిఁ గూడి వేడుక తోడుత
సుంకుల సోగల సొలశీనయ్యో
