ఈ పుట అచ్చుదిద్దబడ్డది
రేకు: 0075-2 ఆహిరి సం: 05-260
పల్లవి:
మాననీఁడు పుంటినోవి మరఁది వీఁడే
నూనముపైఁ జేయి చాఁచీ మందవారిమరఁది
చ. 1:
మంచమెక్కి వావిచూచీ మరఁది వీఁడే
మంచినీటి చెలమల మరఁది
మంచు గుంచానఁ గొలిచే మరఁది వీఁడే
పించెపు శిరసు పాగ పిన్ననాఁటి మరఁది
చ. 2:
మంద మిరియాలు చల్లే మరఁది వీఁడే
మందు నూరీ మాటలనే మరఁది
మందుమాయసేఁతల మరఁది వీఁడే
కుందణపు వన్నెదట్టి కొంగు జారే మరఁది
చ. 3:
మక్కళించే వలపుల మరఁది వీఁడే
మక్కువ నాకౌఁగిట మరఁది
మక్కువలఁ గరఁగించే మరఁది వీఁడే
చిక్కె వేంకటాద్రిమీఁది చిన్ననాఁటి మరఁది