ఈ పుట అచ్చుదిద్దబడ్డది
రేకు: 0004-8 దేశి సం: 05-025
పల్లవి:
వలపారగించవమ్మ వనిత నీ-
యలుక చిత్తమున కాఁకలి సేసినది
చ. 1:
అడియాసలనె పక్వమైన సోయగపు-
వెడయలుకల మంచి వేఁడి వేఁడి రుచులు
ఎడసేసి తాలిమి నెడయించి పైపైనె
పొడమిన తమకంపు బోనము వెట్టినది
చ. 2:
ఆమంచి మధురంపు ఆధరామృతముల
వేమారుఁ దావులు చల్లు వెన్నెలబయటను
కొమలపుఁ దరితీపు కోరికఁ గుమ్మరించి
భామకు పూబానుపు పళ్ళెము వెట్టినది
చ. 3:
కన్నుల కాంక్షలనెడి కళవళములు దీరె
సన్నపు నవ్వులనెడి చనవగ్గలించెను
అన్నువపు మరపు నీ కంతవింతఁ గలిగె నేఁ-
డిన్నియును దిరువేంకటేశుని మన్ననలు
