ఈ పుట అచ్చుదిద్దబడ్డది
రేకు: 0073-5 ఆహిరి సం: 05-251
పల్లవి:
వద్దు మమ్మింత నెవ్వగల వలయించ నిటు
పొద్దువొద్దునకు నోపుదుమా వోరి
చ. 1:
బీరమున నిన్ను వలపించుకొన నేమంత-
వారమా వట్టిగరువములు గాక
నేరుపే కలిగినను నీచేతలకు నింత
దూరుచును కాఁకఁ గందుదుమా వోరి
చ. 2:
కన్నులనె వలపు చిలుకఁగఁ జూడ నేమంత-
కున్నారమా నీవుదుటు గాక
వన్నెలను నిన్ను నేవలపింతునైన నీ-
వున్నవిధమిటు చూడనోర్తుమా వోరి
చ. 3:
నీ నేరములు దక్కె నీకు నినుఁ బాయఁగల-
నైన నేనిట్టవుదు నటరా
కోనేటిరాయ తక్కులుమాని మచ్చికల-
నూని నాకౌఁగిటనె వుండరా వోరి
