ఈ పుట అచ్చుదిద్దబడ్డది
రేకు: 0073-3 ఆహిరి సం: 05-249
పల్లవి:
కాల కడఁ దెగెఁ జెలియగర్వంపు దాలిములు
కాలగతి యిఁకనెంత గాఁగలదొ మీఁద
చ. 1:
బలుపుఁ దురుమరజాతి పగలుచీఁకట్లాయె
పొలయుఁగన్నీట నిప్పులు గురిసెను
చలితాపమున శశియు సవితుండుఁ గవఁబొడచె
ఇల మదనదైవికం బెటుగాఁ గలదొ
చ. 2:
చెడుగు నిట్టూరుపుల చిచ్చు గాలియుఁ గూడె
వెడగుఁ జెమటల జలధి వెల్లివిరిసె
కడుఁబులకలనె శిథిలి కన్నచోటనె పొడమె
సుడిసి చెలిసిగ్గెట్ల చూరఁబోఁగలదో
చ. 3:
భామకుచముల మీఁదఁ బ్రతిచందురులు వొడచె
చీమ దొంతర లతలఁ జిగిరించెను
వామాక్షి వేంకటేశ్వరుకౌఁగిటను గలసె
ప్రేమమిఁక నిదియెంత పెద్దగాఁగలదో
