ఈ పుట అచ్చుదిద్దబడ్డది
రకు: 0073-1 శంకరాభరణం సం: 05-247
పల్లవి:
సారెకు నంటకురే జడనందురు
ధీరుఁడాతఁడున్నతపు దేహియట
చ. 1:
బాయిటఁ బెట్టకురే పక్షులు పారెడిపొద్దు
వోయమ్మ బాలులకు నొప్పదందురు
మాయపు బులుగొకటి మచ్చికనీబాలుని
చేయిచ్చి యెక్కించుకొనఁ జేరీనట
చ. 2:
పంచలఁ దిప్పకురే పాములు వెళ్ళేటి పొద్దు
కొంచెపుబాలులఁ బైకొనునందురు
మించిన పామొకటి మెరసి యీ బాలుని
దించక యొక్కించుకొనఁ దిరిగీనట
చ. 3:
అలమి పట్టకురే అంటఁ గాకుండెడివారు
తొలరమ్మ బాలులకు దోసమందురు
కలికి యీ తిరువేంకటపతిఁ గదిసిన
చెలఁగి వేగమే చీరచిక్కీనట
