ఈ పుట అచ్చుదిద్దబడ్డది
రేకు: 0072-6 శంకరాభరణం సం: 05-246
పల్లవి:
ఉయ్యాలా బాలునూఁచెదరు కడుఁ
నొయ్య నొయ్య నొయ్యనుచు
చ. 1:
బాలయవ్వనలు పసిఁడివుయ్యాల
బాలునివద్దఁ బాడేరు
లాలి లాలి లాలి లాలెమ్మ యెల్ల
లాలా లాలి లాలి లాలనుచు
చ. 2:
తమ్మిరేకుఁ గనుఁదమ్ముల నవ్వుల
పమ్ముఁ జూపులఁ బాడేరు
కొమ్మలు మట్టెల గునుకుల నడపుల
ధిమ్మి ధిమ్మి ధిమ్మనుచు
చ. 3:
చల్లుఁజూపుల జవరాండ్లు రే-
పల్లెబాలునిఁ బాడేరు
బల్లిదు వేంకటపతిఁ జేరి యందెలు
ఘల్లు ఘల్లు ఘల్లనుచు