ఈ పుట అచ్చుదిద్దబడ్డది
రేకు: 0071-1 కాంబోది సం: 05-235
పల్లవి:
ఏల రాఁడమ్మ యింతిరో వాఁ-
డేల రాఁడమ్మ నన్నేలినవాఁడు
చ. 1:
పచ్చని పులుగుల బండిమీఁద నుండు-
పచ్చవింటి పిన్నబాలుని తండ్రి
పచ్చనిచాయలఁ బాయని బంగారు-
పచ్చడము గట్టి బాగైనవాఁడు
చ. 2:
తెల్లని పులుగుపైఁ దిరుగ మరిగినట్టి-
తెల్లని సతిపాలి దేవరతండ్రి
తెల్లని పరపుపైఁ దేలిపొరలు వెట్టు-
తెల్లని కన్నుల తెలివైనవాఁడు
చ. 3:
కొండవింటివాని గుత్తగొనిన యట్టి-
కొండుక పాయపుఁ గూఁతురుతండ్రి
కొండలరాయఁడు కోనేటి తిమ్మయ్య
కొండ తలనెత్తి గుఱుతైనవాఁడు