ఈ పుట అచ్చుదిద్దబడ్డది
రేకు: 0070-6 బౌళి సం: 05-234
పల్లవి:
ఏమి సోద్యమిది యెంతయును వెరగాయ
ఈ మగువ విభుఁగలయుటెట్లనో యనుచు
చ. 1:
పొలసి నునుఁజెమటలుబ్బుచు నణంగుచునున్న-
చెలియభావము చూచి చెప్ప వెరపాయ
కలికి వలరాజు బింకపుశరము వాఁడిగా
పలుమరునుఁ బదనిడిన భావమో యనుచు
చ. 2:
చలముకొని వేఁడి వెదచల్లు చూపులతోడి
నెలఁతఁ గని కట్టెదుర నిలువ వెరపాయ
చెలఁగి లోపలనున్న చిత్తజానలమెల్ల
వెలికి వెళ్ళుచు వెల్లివిరసినో యనుచు
చ. 3:
తిరువేంకటేశుఁ బొందిన యింతిచనుదోయి-
కురునఖాంకములు గనుఁగొనఁగ వెరపాయ
తరుణినేఁపిన విధుఁడు దైవయోగమువలన
అరుదయిన శకలంబులా యనో యనుచు
