ఈ పుట అచ్చుదిద్దబడ్డది
రేకు: 0069-3 శ్రీరాగం సం: 05-225
పల్లవి:
కవయఁగవలెనంటి కాఁగలించేవా నీ-
వువిదలఁ దలఁచకవుండనోసేవా
చ. 1:
పారిటాకులు గట్టి పారనోపేవా
యేరులెల్ల దాఁటి కొండలెక్కనోపేవా
యీరీతి వెదురుబియ్యమేరనోపేవా
పేరినతేనెలు తెచ్చి పెట్టనోపేవా
చ. 2:
యెడమఁ గుడిని వింటనేయనోపేవా
అడవిమెకాల వేఁటలాడనోపేవా
కడఁగి చెంచెత నాతోఁ గలశుండేవా
అడరి నాపొత్తుల నారగించేవా
చ. 3:
యిప్పటి మాఁటలు యీడేరించనోపేవా
చెప్పినట్టే కాఁపురము సేయనోపేవా
కప్పిరంపుశయ్యపై వేంకటరాయఁడా
యెప్పుడుఁ బాయని చనవియ్యనోపేవా