ఈ పుట అచ్చుదిద్దబడ్డది
రేకు: 0069-2 శ్రీరాగం సం: 05-224
పల్లవి:
పట్టనిఁకనోప నాప్రాణంబులు నీ-
పట్టు దైవమె యెరుఁగు బ్రదుకవయ్యా
చ. 1:
పడితినిన్నాళ్ళు నిర్భంధమున నాచేత
కడమొదలు లేని కాఁకల సొలపుల
బడలెఁ గడు నామేను పట్టనిఁకనోప నీ-
పడఁతులను గూడుకొని బ్రదుకవయ్యా
చ. 2:
నొగిలితివి నాచేత నొప్పిమాటలనెంతె
వగలఁ గడు నన్ను విడువఁగనోపక
జగడమిఁక లేదు విరసము మాని సుఖివియై
పగలేక యిఁకనైన బ్రదుకవయ్యా
చ. 3:
ఎంత నొగిలినను నాకేమాయ నీకు నీ-
సంతోషమబ్బినను జాలుఁగాక
యింతసేసియు వేంకటేశ కూడితివి నీ-
పంతంబు చెల్లెనిఁక బ్రదుకవయ్యా