ఈ పుట అచ్చుదిద్దబడ్డది
రేకు: 0069-1 కన్నడగౌళ సం: 05-223
పల్లవి:
కామయాగము చేసెఁ గలికి తన-
ప్రేమమే దేవతాప్రీతిగాను
చ. 1:
పొలుపలర సురతతాంబులరసపానంబు
నలినాక్షి సోమపానంబు గాను
కలకలంబుల మంచి గళరవంబుల మోఁత
తలకొన్న వేదమంత్రములుగాను
చ. 2:
పడఁతి తన విరతాపమునఁ బుట్టిన యగ్ని
అడరి దరికొన్న హోమాగ్నిగాను
ఒడఁబడిక సమరతుల నుదయించిన చెమటఁ
దడియుటే యది యవభృథంబుగాను
చ. 3:
తనరఁ గుచముల రుచులు దంతాక్షత క్రీడ
ననుపైన పశుబంధనంబుగాను
యెనసి శ్రీతిరువేంకటేశ్వరుని పొందు
ఘనమైన దివ్యభోగంబుగాను
