ఈ పుట అచ్చుదిద్దబడ్డది
రేకు: 0068-4 మంగళకౌశిక సం: 05-220
పల్లవి:
అబ్బురంపు శిశువు ఆకుమీఁదిశిశువు
దొబ్బుడు రోలశిశువు త్ర్పువి త్ర్పువి త్ర్పువి
చ. 1:
పుట్టు శంఖుచక్రములఁ బుట్టిన యాశిశువు
పుట్టక తోల్లే మారుపుట్టువైన శిశువు
వొట్టుపక పాలువెన్నలు నోలలాడు శిశువు
తొట్టెలలోని శిశువు త్ర్పువి త్ర్పువి త్ర్పువి
చ. 2:
నిండిన బండి దన్నిన చిన్నిశిశువు
అండవారి మదమెల్ల నణఁచిన శిశువు
కొడలంతేశసురులఁ గొట్టిన యా శిశువు
దుండగంపు శిశువు త్ర్పువి త్ర్పువి త్ర్పువి
చ. 3:
వేఁగైన వేంకటగిరి వెలసిన శిశువు
కౌఁగిటి యిందిరా దొలఁగని శిశువు
ఆఁగి పాలజలధిలో నందమైన పెనుఁబాము
తూఁగుమంచము శిశువు త్ర్పువి త్ర్పువి త్ర్పువి