ఈ పుట అచ్చుదిద్దబడ్డది
రేకు: 0068-5 ముఖారి సం: 05-221
పల్లవి:
పలుకుఁదేనియల నుపారమియ్యవే
అలరువాసనల నీ యధరబింబానకు
చ. 1:
పుక్కిటి లేనగవు పొంగుఁబాలు చూపవే
చక్కని నీవదనంపు చందమామకు
అక్కరొ నీవాలుఁగన్నులా రతిగా నెత్తవే
గక్కన నీచెక్కుతొలుకరి మెరుపులకు
చ. 2:
కమ్మని నీమేని తావి కానుకగా నియ్యవే
వుమ్మగింత చల్లెడి నీవూరుపులకు
చిమ్ముల నీచెమటలఁ జేయవే మజ్జనము
దిమ్మరి నీమురిపెవు తీగమేనికి
చ. 3:
పతి వేంకటేశుఁ గూడి పరవశమియ్యవే
యితవైన నీమంచి హృదయానకు
అతనినే తలఁచఁగ నానతియ్యఁ గదవె
తతితోడ నీలోని తలపోఁతలకు
