ఈ పుట అచ్చుదిద్దబడ్డది
రేకు: 0068-3 సామంతం సం: 05-219
పల్లవి:
అడుగడుగుకు నీ వాడఁగాను మా-
బడలికంతయుఁ దోయ పండరంగిరాయ
చ. 1:
పాదికెత్తు మెరుఁగారు బంగారుగుండు
సేదదేర మెడఁగట్ట చిత్తగించితి
యేదెస కానికదెచ్చి యిచ్చిరి నీ కెవ్వరో
పాదపుగజ్జెలు మోయ పండరంగిరాయ
చ. 2:
మద్దికాయలు చెవుల మాణికాల పోఁగులు
పెద్దపెద్దముత్యాలు పెంపు మీరఁగా
ముద్దల వెన్నపాలు ముచ్చిలించు సేఁతలవి
బద్దుల పనులైపోయ పండరంగిరాయ
చ. 3:
వెల్లిగొను వేడుకల వేంకటాదిపతివై
తెల్లనికన్నుల నవ్వుతీగె సోగల
గొల్లెతల గుబ్బలపై కూరిమి మెరయఁగా
పల్లకి నీకిప్పుడాయ పండరంగిరాయ