ఈ పుట అచ్చుదిద్దబడ్డది
రేకు: 0004-3 శంకరాభరణం సం: 05-020
పల్లవి:
ఇంతే విన్నపమింతేలా నీ-
పంతము చేకొంటి పాలించు
చ. 1:
అలయు సాలయునతివ లోలోనే
చెలిపై నొరగు చెక్కు నొక్కు
పులకించు నించు వొలఁతి చెమట
చిలికించు గోరఁజిత్తగించు
చ. 2:
చెలుల మొరఁగు చింతచే గరఁగు
పలుకఁ దలఁచు బడలును
పిలుచు నిన్ను నీపేరుకొనుచును
తొలఁకు కన్నీరు దుడుచును
చ. 3:
చనుఁగవ చూచు సారె నీసేఁతలు
తనలోనే మెచ్చి తనరును
అనయము వేంకటాధీశ యీ యింతిఁ
జెనకి కౌఁగిటఁ జేకొంటివి
