ఈ పుట అచ్చుదిద్దబడ్డది
రేకు: 0004-4 ముఖారి సం: 05-021
పల్లవి:
కలలోనె యిరువురము నలిగి వేగ
కలయనుచు దెలిసి నినుఁ గౌఁగిలించితిరా
చ. 1:
అలుగుదురెఁ బతులనఁగా వినఁగ
నలవాటు లేక నే నలుగుచుండుదురా
అలిగితట వురక నీవంత నాతోను మరి
నలుగులౌనట పూవులంతలోపలనే
చ. 2:
చందురుఁడె సూర్యుఁడై జరగ మిగుల
కెందమ్ములవుర నాకెంగేలుదోయి
గందమే తోఁచెనట కస్తూరియనఁగ నా-
చందమపుడొకలాగు చందమవునటరా
చ. 3:
విటవరుఁడ కోనేటివిభుఁడ నీ
వెటు దొలంగిన దేహమెట్టు నిలుపుదురా
యిటువలెనె మనలోన నెలమి మరచి
తటుకననుఁ గలయనుచు తలఁకి తెలిసితిరా