ఈ పుట అచ్చుదిద్దబడ్డది
రేకు: 0004-2 పాడి. సం: 05-019
పల్లవి:
దేవరచిత్తం దివ్యనిధి
దేవనిర్మిత విధీ యవధానం
చ. 1:
అతివలు నాట్యంబాడెదమని వు-
న్నతి మెఱయుచు నున్నారిదివో
ప్రతినలతో రంభయు మేనకయును
ధృతి కరుణాంబుది ధీయవధానం
చ. 2:
గానవిద్య తమకంబున వినుమని
కానుకలివె సురకాంతలవి
కానుపించుకో గంధర్వసతులను
ధీనుత పంపు ధీ యవధానం
చ. 3:
పరియంకంబునఁ బవళించెదవో
సిరుల విభవముల జెలఁగెదవో
తిరువేంకటగిరి దేవ యన్నిటా
తిరమందితి విటు ధీయవధానం