ఈ పుట అచ్చుదిద్దబడ్డది
రేకు: 0065-2 సామంతం సం: 05-200
పల్లవి:
కడు నీకు మోహించుఁగాని చక్కనివిభు-
నెడసి నిమిషమైన నెట్టోరిచేవే
చ. 1:
పసిఁడిమంచముమీఁదఁ బవళించి యతనితో
కసరులాడెడియట్టు గాదువో నేఁడు
విసిగించెఁ గదనె యీ విరహానలము నిన్ను-
నిసుమంత దడవైన నెట్లోరిచేవే
చ. 2:
అడుగులొత్తుచు నీ యడుగులు నతనియై
కడఁగి వొత్తినయట్లు గాదువో నేఁడు
బడలించెఁ గదవె యీ పరితాపమున నిన్ను-
నెడయెడ యలుకలనెట్టోరిచేవే
చ. 3:
ఒరపైన యతినిపై నొరగి యాతనిమతిఁ
గరఁగించునటువలెఁ గాదువో నేఁడు
వెరవక కలసితి వేంకటపతితోడ-
నెఱిఁగెఱుంగని చేఁతలెట్టోరిచేవే
