ఈ పుట అచ్చుదిద్దబడ్డది
రేకు: 0064-6 ధన్యాశి సం: 05-198
పల్లవి:
ఇందూ నందును రుచులెట్లుండునో
కందువెరిఁగి మేలుకైకొందువు
చ. 1:
పదివేలు పళ్యాల పళ్ళిభోగము నీఁ
వదన నారగింతువప్పాలతో
పొదవిన యింతేసి పొందైన మతితో నీ-
సుదతికెమ్మోవినే చొక్కితివిగా
చ. 2:
సరిలేని కల్పభూజముల పూవుల పూజ
సిరులుగా సురలచేఁ జేకొందువు
పరిపరివిధముల పరిమళములనెడి-
తరుణి పువ్వులతావిఁ దగిలితిగా
చ. 3:
కొత్తయిన కస్తూరితోఁ గోరి తట్టుపుణుఁగు
మెత్తుకొందువు నీవు మేనిండను
ఇత్తరిఁ దిరువేంకటేశ యీ చెలిఁగూడి
హత్తిన చెమటలతో నలరితిగా