ఈ పుట అచ్చుదిద్దబడ్డది
రేకు: 0064-5 ఆహిరి సం: 05-197
పల్లవి:
బయలీఁ దించేవే గొల్లపడుచా- నీవె
బయలీఁదించేవు లోపలనె కన్నులను
చ. 1:
పాలు వోయవుగా గొల్లపడుచా-యీ-
పాలుకుండలివి లోలోపల నున్నవి
పాలుమాలేవేలే గొల్ల పడుచా- మా-
పాలు నీ కేలయ్య పాలవారివాఁడవు
చ. 2:
పచ్చితేనె దేవే గొల్లపడుచ- మాకు
పచ్చితేనె లేదు మావిపంటనే కాని
పచ్చిమాటలేలే గొల్లపడుచ- పూవుఁ-
బచ్చితేనెలివివో నీ పలుకుల కొనలు
చ. 3:
పసిచల్లమ్మే గొల్లపడుచా- నీవె
పసివడి తిరిగేవు బడివాయక
పసిబాలవటె గొల్లపడుచా- కురుఁ-
బల వేంకటగిరిపతి నన్నేలితివి