ఈ పుట అచ్చుదిద్దబడ్డది
రేకు: 0063-6 వరాళి సం: 05-192
పల్లవి:
కొలిచి బిందెలఁ దోసుకొనుఁగాక యీఁ
మలయుఁగోరికలనెడి మాడలే పండె
చ. 1:
పొలఁతి సిగ్గులపోడు వొడిచి చిత్తపుటడవి
తొలుచూపు బదనుననె దున్నఁగాను
తలపోఁత విత్తఁగా తను చెమటవానలనె
బలువైన తమకమను బంగారు పండె
చ. 2:
ఇచ్చకపుఁ జిరునగవులింటిలోపలి తోఁట
మచ్చుఁజీఁకట్లె పలుమరుఁ దవ్వఁగా
ఎచ్చుకుందుల సొలపులేతపుజలము వారి
నచ్చుఁగాఁకల పైఁడినక్కులే పండె
చ. 3:
తగిలి వేంకటవిభుని తనివోని కౌఁగిటను
జగడంపుఁ గూర్మి సరసము చల్లఁగా
నిగనిగని పలుకుఁదేనియలు వేమఱుఁ బారి
నిగుడు విరహగ్ని మాణికములే పండె
