ఈ పుట అచ్చుదిద్దబడ్డది
రేకు: 0063-4 నారణి దేశాక్షి. సం: 05-190
పల్లవి:
ఎందరికి మెహించి యెందువోతివో నీ-
యందపు జేఁతలు నాతో నానతియ్యరాదా
చ. 1:
పాదమున నంటిన పచ్చకప్పురములోన
వేదుగాఁ దులసితావి విసరీని
యేదెసఁ బవ్వళించితి వెవ్వతె పాదములొత్తె-
నాదరముతోడ నాతో నానతియ్యరాదా
చ. 2:
చెలువంపు నొల నించిన పచ్చి కస్తూరి
తులసి పరిమళము దొలఁకీని
యెలమి నెక్కడకేఁగి యెవ్వతెకు మొక్కితివో
అలవి దేరఁగ నాతో నానతియ్యరాదా
చ. 3:
ఉరము నీ మాణికాన వొనరిన జవ్వాది
సరిగాఁ దులసితావి చల్లీని
తిరువేంకటేశ పొందితివి నన్నిదె నీ-
యరవిరి విధమైన నానతియ్యరాదా