ఈ పుట అచ్చుదిద్దబడ్డది
రేకు: 0063-3 మాళవి సం: 05-189
పల్లవి:
తఱచు సూసకపు ముత్యపుఁ దలఁబాలతో
నెఱుల తుఱుము వంచీనె నెలఁత
చ. 1:
పచ్చఁదోరణముఁ బలుకులింటికిని
పచ్చిముత్యాలనే కట్టె బాసికము
ముచ్చటలేనగవుల ముంగిట ముగ్గులుపెట్టి
నిచ్చకల్యాణములాడీనే నెలఁత
చ. 2:
బచ్చెనల మెఱుఁగు గుబ్బల అయిరాణి దెచ్చి
కుచ్చుఁ బులకల బూజ గుండలాయను
దిచ్చరిమరునిఁ దెచ్చి తెరమరఁ గెడలించి
హెచ్చిన పెండ్లికూఁతురే నెలఁత
చ. 3:
మరువింటి పేరింటి మంచిలగ్నమునందు
పరువంపుఁ జనుదోయి పరుపుమీఁద
తిరువేంకటగిరిదేవునికౌఁగిటఁ గూడి
నిరతంపు సిరులందెనే నెలఁత
